Slide Ads

مفتاح دوت مى | مفتاحك لعالم أجمل

Wednesday, July 15, 2009

هل تسريب الامتحانات مستمر فى الثانوية العامة 2009 ؟

هل ركز احد فى اسماء الاوائل فى قسم العلمى علوم فى نتيجة الثانوية العامة 2009
اليكم كشف النتيجة وبعدين نكمل كلامنا

اعلن الجمل أسماء اوائل الثانوية العامة فى كل شعبة والتي جاءت كالتالي:

شعبة علمى علوم:

حصلت الطالبة رنا أبو بكر محمد محيى الدين محمد، والطالب رامى عماد يونان صادق على المركز الأول، والأول مكرر بمجموع 409 درجات، وهما من مدرسة المنيا الثانوية التجريبية لغات بمحافظة المنيا.

وحصل على المركز الثالث والثالث مكرر بمجموع 5ر408 درجة ثمانى طلاب وطالبات وهم: محمد خيرى محمد جاب الله "شبين الكوم - المنوفية"، اسماء اسماعيل زكى احمد " عين شمس - القاهرة "، ياسمين مصطفى محمد شعلان "شرق لإسكندرية"، أحمد محمد محمود " شرق الزقازيق - شرقية " ، حنان شعبان ابراهيم " بنى عبيد - الدقهلية "، ماجى ماجد وديع "المنيا"، مريم جمال عبدالناصر "اسيوط "، روضة عبدالناصر عوض "اسيوط".

طبعا لاحظ الجميع و للصدفة المذهلة ان الاول و الاولى مكرر من نفس المحافظة لا من نفس الادارة التعليمية

لا من نفس المرسة و اسمهم رامى و رنا و من لجنة واحدة و الفرق ما بين ارقام جلوسهم 6 اسماء لا و باقى اللجنة متفوق جدا

لا و مش كده و بس آخر اسمين فى القائمة اعلاه تكرار لنفس الحالة مع اختلاف وحيد ان الفرق فى ارقام الجلوس 14 اسم بس وبرضه باقى اللجنة متفوقين جدا

لا حول ولا قوة الا بالله

لا حول ولا قوة الا بالله

معجزة

معجزة

نفحة من العبقرية هبت على اللجنتين دول بالذات من دون كل لجان مصر

اذا كان هناك من سرب الامتحانات العام الماضى من اى من اجهزة الدولة فى المنيا فما زال فى مكانه و سرب السنة دى كمان و اللى اتحبسوا السنة اللى فاتت اتحبسوا غلط

و ما زال التسريب مستمرا لاننا حبسنا حد غلط

لا والتسريب يثبت الوحدة الوطنية الشديدة فى هذا البلد الغلبان

افتحوا تحقيق حقيقى هذه المرة اثابكم الله

خمسة من اوائل الثانوية العامة فى مصر من لجنتين فى اسيوط و المنيا المتجاورتين

انا شكاك بطبعى طول عمرى و يمكن ده كله يكون بس من بنات افكار مخى الخبيث الوحش

و ان بعض الظن اثم

بس برضه حققوا ولو تحقيق سرى و شكرا و مبروك لكل الاوائل والناجحين و عقبال كل سنة

للاطلاع على كل الوارد فى المقال من موقع الوزارة

www.ahlawia.com/n


النص الكامل لاغنية انا اسمى توتو وعايز احارب و النبى و نبى

انا اسمى توتو وعايز احارب والنبى
ادونى مطوة
ادوله مطوة
ادونى مطوة
ادوله مطوة
ادونى مطوة اغز بيها المعتدى

ياسلام ياسلام
ادونى بومبه
ادوله بومبه
ادونى بومبه
ادوله بومبه
ادونى بومبه افرقع بيها المعتدى

ياسلام ياسلام
ادونى لبانه
ادوله لبانه
ادونى لبانه
ادوله لبانه
ادونى لبانه طرقع بيها المعتدى

... ياسلام ياسلام
وبلاش قنبله
وبلاش قنبله
وبلاش قنبله
وبلاش قنبله
وبلاش قنبله احسن مسورق والنبي

ياسلام ياسلام
مصر
مصر
مصر.....
مصر الجديدة هى ارضى وملعبى

ياسلام ياسلام
خدو سيناء
خدو سيناء
خدو طابا
خدو طابا
بس سيبولنا نادى الشمس والنبيييي
ياسلام ياسلام


تحديث

الاغنية دى من التراث الشعبى الفرافيرى

دكتور فتحى سرور يفتتح ملعب اسكواش فى السيدة زينب

الدكتور سرور افتتح ملعب اسكواش في السيدة زينب .. أظن كده هانت ومش فاضل للحكومة غير حاجات بسيطة وتحل مشاكل العشوائيات في القاهرة، يدوبك صالة بولينج في اسطبل عنتر وملعب جولف 18 حفرة في حكر ابو دومة.

LinkWithin

Related Posts Plugin for WordPress, Blogger...

موقع و دليل موجز مصر